Ushtarët e KFOR-it kanë vazhduar vendosjen e tabelave të reja përgjatë kufijve të Kosovës me Serbinë.
Këto tabela paralajmëruese, të vendosura në zona malore dhe pyjore, shënojnë qartë zonën e operimit të KFOR-it dhe ndihmojnë në uljen e rrezikut të kalimeve të paqëllimshme, thuhet në njoftimin e misionit të NATO-s.
“KFOR-i do të vazhdojë këto përpjekje për të promovuar ambient të sigurt dhe të qetë për të gjithë njerëzit në Kosovë, përmes patrullimeve të rregullta në veriun e Kosovës dhe pranë Vijës Administrative Ndarëse”, thuhet në njoftim.
Tutje thuhet se KFOR-i punon në bashkërendim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), si përgjegjës për sigurinë.
Vendosja e tabelave të reja nga KFOR-i ka filluar nga korriku.
-
KFOR-i vendos tabela të reja në kufirin Kosovë-Serbi
-
KFOR-i: Po i vazhdojmë patrullimet në veri ditë e natë
-
KFOR-i për serbin e rrëmbyer: Jemi në dijeni, policia ka nisur hetim dhe mbetemi në kontakt të ngushtë
-
KFOR-i amerikan patrullon në veri
-
KFOR-i as nuk e pohon e as nuk e mohon nëse policët e Kosovës hynë në Serbi