Në Kampin “Villaggio Italia” në rajonin e Pejës, Komanda Rajonale Perëndimore e KFOR-it ka pritur në takim përfaqësues të të gjitha komuniteteve fetare të pranishme në zonën perëndimore të Kosovës.
Sipas njoftimit nga KFOR-i, takimi ka qenë për të diskutuar “në mënyrë të hapur dhe konstruktive të ardhmen e brezave të rinj dhe për të krijuar pikat e përbashkëta të reflektimit”.
“Të gjitha autoritetet fetare të pranishme mirëpritën iniciativën, duke shprehur njëzëri respekt dhe mirënjohje për ushtarët e kontingjentit shumëkombësh të KFOR-it”, thuhet në njoftimin e KFOR-it të premten.
Misioni i NATO-s në Kosovë ka përsëritur se është i përkushtuar ta mbështesë paqen, bashkëpunimin dhe përparimin e të gjithë njerëzve në Kosovë.
Artikuj të ngjashëm
-
Komandanti i KFOR-it takohet me përfaqësues diplomatikë për sigurinë
-
Ushtarët e KFOR-it sfidojnë veten në garën për shtyrjen e kufijve dhe të forcimit të rezistencës
-
Komandanti i KFOR-it e gjenerali italian diskutojnë për sigurinë në Kosovë
-
KFOR-i amerikan patrullon në veri
-
Ambasadorët e shteteve kontribuuese në KFOR takohen në Prishtinë