Qytetarët e Komunës së Klinës rrallë i shohin nëpër debate publike të përzgjedhurit e tyre me vota.
Këshilltarët e Kuvendit Komunal nuk janë parë as në debatet publike që janë mbajtur gjashtë muajt e fundit në këtë komunë, shkruan sot “Koha Ditore”.
“Pjesëmarrja e këshilltarëve të Kuvendit Komunal në tri debate dhe në një takim publik ka qenë thuajse e barabartë me zero”, thotë Elabasan Rracaj, koordinator i projekteve në OJQ KOHA të Klinës, e cila që nga muaji tetor i vitit të kaluar me projektin “Politika publike me pjesëmarrje aktive të publikut”, të financuar nga Bashkimi Evropian, ka filluar monitorimin dhe thirrjen e qytetarëve në debate publike të thirrura nga Komuna e Klinës.
Edhe në takimin e radhës me publikun, që është mbajtur në mesin e muajit mars, për të diskutuar ndryshimet dhe plotësimet e Rregullores komunale për tarifa, ngarkesa dhe gjoba komunale, sipas kësaj OJQ-je, prej 27 këshilltarëve në Kuvendin e Klinës, të pranishëm kanë qenë vetëm kryesuesi i Kuvendit, që e ka drejtuar këtë debat dhe këshilltari nga radhët e Lëvizjes Vetëvendosje, Skënder Meturi.
Gjithashtu, siç thotë Rracaj, edhe numri i qytetarëve dhe të zyrtarëve të Ekzekutivit komunal është i ulët nëpër këto debate publike... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.