“Nuk mund të kërkohet liberalizimi i vizave nëse vazhdojmë ta ndotim mjedisin”, ka thënë Kryeministri Ramush Haradinaj, gjatë aksionit “Ta pastrojmë Kosovën”, i cili u organizua në Komunën e Gjakovës.
Ai ka thënë se të gjithë qytetarët që ndotin mjedisin do të ndëshkohen, raporton KTV.
Haradinaj ka bërë të ditur se tashmë kanë filluar punët për themelimin e Policisë së Gjelbër.
Koordinatori i organizatës “Let’s do it Kosova”, ka thënë se, deri tash, janë larguar 322 deponi ilegale në tërë vendin, ndërsa aksionet do të vazhdojnë me intensitet të njëjtë.
Komuna e Gjakovës u përmend nga Kryeministri si shembull për mbrojtjen e mjedisit.
Ardian Gjini, kryetar i kësaj komune, shpreson që këto aksione do ta ngrisin edhe më shumë ndërgjegjësimin e banorëve për mjedisin.
Edhe
Haradinaj thotë se s’mund të ketë liberalizim vizash përderisa hedhim bërllok gjithandej
Gjatë aksionit, vullnetarët e organizatës “Let’s do it Kosova”, e kanë pastruar një ndër deponitë më të mëdha në Gjakovë.
Që nga fillimi i fushatës “Ta pastrojmë Kosovën”, mbi 150 mijë vullnetarë kanë bërë të mundur largimin e disa deponive më të mëdha në Kosovë.
