“Arena e konfrontimeve politike” është kryetitulli i së dielës në “Koha Ditore”.
Shkrimi kryesor tregon se si për 12 vjet Inspektorati i Policisë ka dështuar të shkëputet nga zinxhiri policor si institucion i pavarur, si u shkatërrua nga politika, si u amnistuan zyrtarët e fuqishëm e si u bë ai vend ku “qërohen hesapet” mes grupeve te interesit.
“Inspektorati Politik i Kosovës” është shkrimi i Valbona Mehmetit për temën e së dielës.
Në intervistë, zëvendësdrejtori i Institutit të Kosovës për Drejtësi, Ehat Miftaraj, tregon se si politika po e kontrollon Policinë nëpërmjet IPK-së.
Vendi i sfidave dhe i kujtimeve të këndshme është reportazhi i së dielës për qendrën e studentëve në kryeqytet.
Edhe
Arena e konfrontimeve politike
Në faqet e botës vijnë shkrimet për shtetin me emrin e “gabuar” dhe shuarjen e ëndrrës kurde.
Në shtatë shkronjat e tij, regjisori Nezir Sefaj, tregon si është të “darkosh me bardin”.
Në vazhdën e fejtoneve për “Politikat Ballkanike”, këtë të diel, vjen ai për pushtimin e Jugosllavisë nga Hitleri.
Kosovarçe sjell historinë e policit që rrezikoi jetën e tij për të evituar një tragjedi.
“Regjisorja e “Ariut të kristaltë” që u inspirua nga Kosova” dhe “Gdhendësi i historisë nëpër drunjtë e Kalabrisë” janë shkrimet që zënë faqet e kulturës.
Nga Istogu, “Monument” sjell historinë dhe arkitekturën e kullës ku, ish-presidenti Ibrahim Rugova, kishte kaluar një pjesë të jetës.
Edhe
“E diela me Koha Ditore” për fajdet dhe problemet rreth tyre
Në mesin e shumë shkrimeve interesante nga sporti, veçohet ai për 13 skuadrat e Bajram Nebihit dhe kryetarin e dy Dritave të Gjilanit.
Këto, dhe shkrime të tjera interesante nga kinematografia, shkenca, teknologjia, moda e shumëçka tjetër, mund t’i lexoni në 82 faqet e numrit të së dielës në “Koha Ditore”.
