Ministri i Punëve të Jashtme, Enver Hoxhaj ka ripërsëritur qëndrimin e tij kundër tregut të përbashkët rajonal të ideuar nga Serbia.
Ai ka thënë se kjo ide është tendencë anti-evropiane për ta dominuar rajonin dhe për ta shtuar ndikimin e Rusisë në Ballkan.
Hoxhaj ka deklaruar se Kosova është kundër një 'Jugosllavie të re' dhe se opsioni i vetëm për Kosovën është orientimi euroatlantik.
"Ideja e Serbisë për një treg të përbashkët rajonal është tendencë anti-europiane për ta çorientuar dhe dominuar rajonin, si dhe zgjatur ndikimin e Rusisë. Kosova është kundër një ‘Jugosllavie të re’, model ky që ka dështuar në të kaluarën dhe ka rezultuar në luftëra të dhunshme.
"Opsioni i vetëm është orientimi euroatlantik", ka shkruar Hoxhaj në Twitter.
Deklarata e ministrit Hoxhaj dhe e kryeministrit Mustafa kundër tregut të përbashkët rajonal vjen pas takimit të para tri javësh në Sarajevë, ku fillimisht Serbia e më pas vendet e tjera në rajon përfshirë edhe Shqipërinë po e mbështesin një ide të tillë.
-
Hoxhaj: Tregu i përbashkët rajonal ide e Serbisë për ta dominuar Ballkanin
-
Hoxhaj i përgjigjet Vuçiqit: I vetmi treg i përbashkët i Ballkanit do të jetë në BE
-
Hoxhaj për Reuters: Serbia synon dominimin politik e ekonomik mbi rajonin në stilin rus
-
Hoxhaj: Asnjë treg rajonal paralel nuk e zëvendëson BE-në
-
Hoxhaj: Pos luftën diplomatike, Serbia e ka edhe opsionin ushtarak ndaj Kosovës