Ministrja e Integrimit Evropian, Dhurata Hoxha, në një diskutim të organizuar në Paris me temën “Kosova 20 vite pas luftës dhe perspektiva e saj evropiane”, ka thënë se shteti kosovarë ka shënuar progres në plotësimin e kritereve për liberalizim të vizave.
Sipas saj Kosova mbetet e përkushtuar që të përmirësoj rezultatet në luftën kundër krimit të organizuar dhe korrupsionit.
“Ne e kemi të qartë se ku po shkojmë, shtoi ajo, por ne kemi nevojë për mbështetje dhe për një qasje konstruktive nga ana e BE-së, duke qenë se vizioni ynë për të ardhmen është i lidhur ngushtë me anëtarësimin tonë në BE”, ka thënë ajo, bëhet e ditur përmes një njoftimi për medie.
Hoxha ndër të tjera ka thënë se liberalizimi i vizave do të ndikonte në zhvillimin ekonomik, kulturor dhe arsimor, sidomos në zgjerimin e mundësive për të rinjtë.
Lidhur me zhvillimet e fundit në vend, ajo ka vënë në dukje se Kosova ka dëshmuar që është një shembull i bashkëpunimit, promovuese e marrëdhënieve të mira fqinjësore, faktor paqeje dhe stabiliteti në rajon dhe më tej.
-
Hoxha: Kemi pritur dhe duam vlerësim objektiv për vizat nga BE-ja
-
Hoxha: Pas liberalizimit, synimi ynë është statusi i kandidatit për anëtarësim në BE
-
Kosova në pritje të rekomandimit pozitiv të KE për vizat
-
Ministrja Hoxha skeptike se shtatori do të sjellë liberalizim vizash për kosovarët
-
Hoxha: Vlerësime më të mira se në vitin e kaluar nga Raporti i KE-së