Hoti: Së shpejti do ta dërgojmë në Kuvend buxhetin për vitin 2021

Kryeministri i Kosovës, Avdullah Hoti, është shprehur optimist se së shpejti do të dërgohet në Kuvend buxheti për vitin 2021.

Këto ai i tha gjatë miratimit të planeve të menaxhimit të aseteve të trashëgimisë kulturore, atij për Qendrën Historike dhe për Kalanë e Prizrenit.

Ai është shprehur i sigurt se buxheti së shpejti do të dërgohet në Kuvendin e Kosovës.

Kryeministri i Kosovës, Avdullah Hoti, ka deklaruar sot se vendi është në situatë specifike politike, porse është shprehur optimist se së shpejti do ta dërgojnë në Kuvend buxhetin për vitin 2021.

“Jemi duke i zhvilluar disa konsultime (për buxhetin), shpresojmë që i kryejmë shpejt dhe e dërgojmë në Kuvend, siç e kemi dërguar edhe Ligjin për Rimëkëmbje”, tha ai.

I pyetur se si ndjehet Qeveria pasi nuk po ka vota që të kalojë ligjet, Hoti tha se ndodhen në një situatë specifike.

Edhe Arbëri 29 dhj 2020 Hoti: Buxheti për vitin 2021 siguron stabilitet për funksionimin e institucioneve

“Jemi në një situatë vërtetë specifike politike, besoj se do ta tejkalojmë së shpejti”, tha ai.

Ai ka shtuar se do të vazhdojnë konsultimet për zgjidhjen e çështjes së postit të presidentit.

Në parim Projektbuxheti për vitin 2021 nuk ka kaluar në Komisionin për Buxhet dhe Transfere./KSP