Kryeministri i Kosovës, Avdullah Hoti, ka thënë se Kosova përfaqëson mozaik të kulturave dhe etnive të ndryshme.
Ai ka shtuar se populli i Kosovës i ka mbrojtur vlerat e etnive dhe religjioneve brenda vendit për shekuj me radhë, duke shtuar se kjo është në traditën tonë.
“Kosova është një mozaik i kulturave dhe feve të ndryshme. Vendet fetare dhe kulturore të të gjitha etnive dhe besimeve në Kosovë janë vlera dhe kujtesa e përbashkët e shoqërisë sonë dhe kanë mbijetuar për shekuj për shkak të mbrojtjes nga njerëzit e Kosovës. Ky është një angazhim i rrënjosur në traditën tonë”, ka shkruar Hoti në Facebook.
Hoti ka kërkuar të shtunën që të ndalën punimet në rrugën R108 që prek zonën e Manastirit të Deçanit, për herë të dytë. Fillimisht ishte përfaqësuesi i manastirit, Sava Janjiq që reagoi për punimet e më pas edhe presidenti serb, Aleksandar Vuçiq, i cili kërkoi nga BE-ja të bëjë presion për ndaljen e tyre.
Ndalja e punimeve pas kërkesës së Hotit është kritikuar nga partneri qeverisës dhe kryetari i komunës së Deçanit.
-
Hoti e Ramosaj pajtohen të pezullohen punimet në rrugën pranë Manastirit të Deçanit
-
Hoti kërkon pezullimin e punimeve që prek zonën e Manastirit të Deçanit
-
Haradinaj pas deklaratave të Rashiqit: Publikut i servohen slogane patriotike çdo ditë, e realiteti del nga goja e vetë ministrave serbë të Qeverisë
-
Hoti: Kosovën e ruajt Zoti, se zot shtëpie s’ka momentalisht
-
Kurti: Do të angazhohemi që të ruhen të drejtat legjitime të Manastirit të Deçanit