Deputeti i Lidhjes Demokratike të Kosovës, Avdullah Hoti, e cilësoi të rëndësishme futjen e Kroacisë në Shengen dhe futjen e euros në qarkullim.
Ai shkroi të hënën se kjo është arritje e madhe për Ballkanin, derisa shtoi se me padurim pret që Kosova të bëhet pjesë e “familjes së madhe evropiane dhe e aleancës së NATO-s”.
“Urime Kroacisë për hyrjen në zonën Shengen dhe futjen e euros në qarkullim. Kjo është padyshim e rëndësishme për të gjithë Ballkanin. Pas 27 vitesh të luftës së përgjakshme, kjo është një arritje e madhe. Me durim dhe vendosmëri arrihet gjithçka. Me padurim presim ditën kur Kosova të bëhet pjesë e familjes së madhe evropiane dhe aleancës së NATO-s. Angazhimi ynë politik në çdo kohë ka qenë dhe mbetet në funksion të integrimit euro-atlantik të Kosovës, pavarësisht sfidave që na imponohen nga jashtë apo politikës së brendshme që kurthohet kohë pas kohe e na humb kohë të vlefshme”, shkroi Hoti.
Më 1 janar të 2023-s, Kroacia u bë zyrtarisht pjesë e Shengenit dhe Eurozonës.
-
Von der Leyen: Kroacia në Shengen dhe Eurozonë, dy hapa të mëdhenj në një ditë
-
Kroacia zyrtarisht pjesë e Shengenit dhe Eurozonës
-
Në mesnatë, Kroacia hyn në zonën Schengen
-
Kroacia po përgatitet ta bëjë euron valutë zyrtare nga 1 janari
-
Kroacia merr miratimin përfundimtar për të futur në përdorim euron nga 1 janari