Këshilltarët e LDK-së në Kuvendin e Komunës së Prizrenit kanë shprehur zhgënjimin e tyre lidhur me zhvillimet në Drejtorinë komunale të Arsimit. Sipas tyre në këtë dikaster ekziston tendenca për punësimin e militantëve të vetëm një partie të caktuar, duke lënë anash profesionistët meritorë. Njëherësh kanë kërkuar që lidershipi komunal të reagojë ndaj këtyre zhvillimeve.
“Jemi të zhgënjyer me proceset në DA, edhe të konkurseve, edhe me avazin që po vazhdon rreth punësimeve nëpër shkolla. Vërehet se është një tendencë që të merren militantët e vetëm një partie të caktuar dhe të anashkalohen njerëzit vërtetë që e meritojnë”, ka thënë Haziz Hodaj, shef i grupit të këshilltarëve të LDK-së në KK-në e Prizrenit, shkruan sot Koha Ditore.
Sipas tij ky qëndrim i këshilltarëve të LDK-së duhet të shërbejë si paralajmërim për kryetarin e Komunës, Mytaher Haskuka, që të ndërmarrë veprime për përmirësimin e gjendjes në DA.
(Artikullin e plotë mund ta lexoni në numrin e sotëm të Kohës Ditore)
-
LDK-ja akuzon pushtetarët e Prizrenit për shitjen e vendeve të punës
-
Vetëvendosje në Prizren ngre akuza për parregullsi, kërkon nisjen e hetimeve
-
VV-ja dorëzon kallëzim penal ndaj kryetarit të Prizrenit
-
Komuna e Prizrenit kritikohet nga opozita për politizim të arsimit
-
Përzgjedhja e drejtorëve të shkollave në Prizren, peng i mosvotimit të Komisionit