Një hetim gati njëvjeçar i Prokurorisë së Shtetit për kontrabandë me mallra në komunat veriore, ka rezultuar me arrestimin e 29 personave, mesin e tyre 19 zyrtarë policorë.
Menjëherë pas arrestimit, zyrtarët policorë, përfshirë komandantin e Stacionit të Policisë në Zubin Potok, janë sjellë në Inspektoratin Policor në Prishtinë, raporton KTV.
Për disa orë rresht policët e arrestuar gjatë aksionit në veri janë intervistuar, të cilët më pas u dërguan në Qendrën e Paraburgimit.
Përveç masës së ndalimit prej 48 orësh, zyrtarët policorë janë suspenduar nga puna.
Udhëheqësit e organeve të drejtësisë e vlerësuan si të suksesshëm operacionin në veri të vendit.
Derisa bënë të ditur se hetimet për policët e arrestuar do të vazhdojnë, theksuan se aksioni nuk ka të bëjë me rastin e Oliver Ivanoviqit e Enver Zymberit.
-
Tjetër aksion në veri, arrestohen 3 zyrtarë policorë të dyshuar për kontrabandë e keqpërdorim
-
Kërkohen 30 ditë paraburgim për zyrtarët policorë të arrestuar në veri
-
Dërgohen në gjykatë zyrtarët policorë që u arrestuan dje në veri
-
Shoqërohen në Polici e pastaj lirohen shtatë persona nga aksioni në veri
-
Nga një muaj paraburgim për të arrestuarit në rajonin e Mitrovicës