Haskuka e quan “ProntoProkurori” atë të Prizrenit, pas arrestimit të zyrtarëve komunalë

Këtë të premte, në Prokurorinë Themelore në Prizren, janë dëgjuar 4 dëshmitarë për rastin e dy zyrtarëve ligjorë të Komunës së Prizrenit, Arben Krasniqi dhe Shqipron Krasniqi, të cilët janë në paraburgim që nga 16 janari.

Ata dyshohen për keqpërdorim të detyrës zyrtare, lidhur me një rast të këmbimit të pronës komunale me atë private, raporton KTV.

Opozita në këtë komunë thotë se procesi i këmbimit të parcelave të pronës publike me atë private, do të duhej të kalonte përmes procedurave, për të marrë miratimin e Kuvendit komunal, gjë që në këtë rast nuk ka ndodhur.

Mbrojtja e dy zyrtarëve të arrestuar ka kërkuar që ata të mbrohen në liri, e një kërkesë e tillë më herët ishte hedhur poshtë nga gjykata.

Prokuroria dyshon se dy zyrtarët ligjorë kanë keqpërdorur detyrën në dëm të Komunës së Prizrenit.

Me këtë rast, ata kanë anashkaluar procedurat që do të duhet të inicioheshin nga kryetari i Komunës dhe Kuvendi, kur shkëmbehet prona publike me persona privatë.

Sipas dyshimeve, ata gjithashtu kanë hequr dorë nga e drejta e ankesës ndaj vendimit.

Edhe Kronikë 14 shk 2020 Dy zyrtarëve ligjorë në Prizren iu zëvendësohet masa e paraburgimit me arrest shtëpiak

Fillimisht, ky rast ishte raportuar në Prokurorinë Themelore në Prizren, nga AAK-ja.

KTV-ja ka provuar të flasë edhe me kryetarin e Prizrenit, Mytaher Haskuka, për këtë, por ai nuk është përgjigjur në thirrjet e televizionit.

Në faqen e tij në Facebook, institucionin e ndjekjes e ka quajtur “Pronto Prokurori”.