Kreu i Aleancës për Ardhmëri të Kosovës, Ramush Haradinaj, ka kritikuar Qeverinë Kurti duke thënë “se ushtari i Kosovës vazhdon të ketë pagë 400 euro dhe se rritjen e premtuar të pagës shumë ushtarë të FSK-së e arrijnë përmes përmbaruesve”.
Ai ka thënë se Ushtria e Kosovës nuk është dhe s’duhet të jetë “kazan i votave të Albin Kurtit”.
“Ushtari i Kosovës vazhdon të ketë pagë € 400, të ketë pajisje personale tepër joadekuate kurse rritjen e premtuar të pagës plotë ushtarë të FSK e arrijnë përmes përmbaruesve. Premtimi i Kurtit se Kosova do të ketë ushtri të detyrueshme doli të jetë vetëm mashtrim ordiner. ‘Fondi i Sigurisë’ më as që përmendet nga ai. Ushtria duhet të trajtohet nga shteti me dinjitet e respekt e jo me mashtrim. Ushtria nuk është dhe s’do të duhej kurrë të ishte kazan i votave të Albin Kurtit”, ka shkruar Haradinaj në Facebook.
-
Haradinaj: Qeveria me trajtim katastrofal për ushtarët e FSK-së, paga minimale të jetë 1000 euro
-
AAK-ja përmbyll fushatën, Haradinaj premton dyfishim pagash dhe pensionesh
-
Haradinaj: Nuk do të ketë pagë nën 1 mijë euro e pension nën 500 euro
-
Kurti premton 1 miliard euro për ushtrinë
-
Haradinaj premton pagë mesatare 1100 euro dhe pensione 500 euro që në vitin e parë të qeverisjes