Kryeministri i Kosovës, Ramush Haradinaj përmes një postimi në Facebook ka shprehur shqetësimin e tij në lidhje me ndalimin që i kanë bërë autoritetet serbe këshilltarit të tij Sërgjan Jovanoviq.
Ai thotë se kjo është një shenjë agresioni, karshi qytetarëve të Kosovës, transmeton Koha.net.
“Shpreh shqetësimin për ndalimin e këshilltarit tim Sërgjan Jovanoviq nga autoritetet e sigurisë dhe inteligjencës serbe. Ky ndalim, që nuk është i pari i kësaj natyre, edhe njëherë dëshmon qartë se metodat e frikësimit që përdoren nga autoritetet serbe, janë një shenjë agresioni, karshi qytetarëve të Kosovës”, ka shkruar Haradinaj.
Ai ka shtuar se, “ju bëjmë thirrje autoriteteve të Brukselit zyrtar që të reflektojnë dhe adresojnë, sjelljen e autoriteteve serbe ndaj qytetarëve të Kosovës. Ky agresion, nuk i ndihmon normalizimit të marrëdhënieve mes shteteve tona”.
-
Qeveria e Kosovës dënon ndalimin në Serbi të politikanëve serbë të Kosovës
-
Dy zyrtarë serbë të Qeverisë së Kosovës ndalohen në kufi, reagon Haradinaj
-
Policia serbe ndalon në kufi këshilltarin e kryeministrit Haradinaj
-
Kurti dhe Jovanoviq flasin për raportet mes Kosovës dhe Serbisë
-
Reagon zyra për Kosovën në Qeverinë serbe: Sulmi ndaj Jovanoviqit tregon se serbët janë të dënuar të jetojnë në frikë