Kryeministri Ramush Haradinaj përmes një postimi në Facebook, ka paralajmëruar se gjatë ditëve të ardhme do të takohet me përfaqësuesit e SBASHK-ut për trajtimin e kërkesave që i shtyri mësimdhënësit sot të mbajnë grevë në orën e parë të mësimit.
“Duke marrë parasysh sakrificën e të gjitha segmenteve të shoqërisë sonë, Qeveria e Kosovës ishte dhe mbetet e përkushtuar që t’i trajtojë me prioritet kërkesat dhe nevojat e të gjitha kategorive të lirisë. Tashmë një pjesë e këtyre kategorive kanë mbështetjen e plotë ligjore”, ka shkruar Haradinaj.
“Në këtë frymë të përkushtimit, njohja e sakrificës së mësimdhënësve të viteve të ’90-ta ka poashtu një rëndësi të veçantë. Mësimdhënësit e viteve të ’90-ta ishin shtylla e papërkulur e rezistencës sonë”, ka shkruar ai.
“Gjatë ditëve në vijim do t’i takojë përfaqësuesit e SBASHK-ut dhe bashkërisht me ta do të punojmë në trajtimin e kërkesave me qëllim të realizimit të tyre, por edhe në përmbushjen e obligimeve tona si shtet”.
-
Haradinaj për kërkesat e SBASHK-ut: Do t’i shohim mundësitë
-
SBASHK-u këmbëngul në kërkesat e veta
-
Sipas Haradinajt, Qeveria s'mund të bëjë më shumë për mësimdhënësit
-
Haradinaj thotë se s’mund të rriten më shumë pagat e mësimdhënësve
-
Qeveria: Kemi rritur pagat për arsimtarët për 20 milionë euro në vit, ftojmë SBASHK-un ta ndërpresë grevën