Asnjë shkronjë nuk është hequr nga projektligji për demarkacionin me Malin e Zi, por atij i janë shtuar disa.
Një ditë pas kësaj deklarate të kryeministrit, Ramush Haradinaj, drejtuar deputetëve të Lidhjes Demokratike, është arritur konsensusi për votimin e Marrëveshjes për Shënjimin e Kufirit me Malin e Zi, raporton KTV.
I pari lajmin e ka dhënë kryeparlamentari Kadri Veseli.
Pa dhënë detaje, arritjen e konsensusit para votimit që pritet të ndodhë të mërkurën, e ka konfirmuar edhe kryeministri Ramush Haradinaj.
Por, tërheqja e kryeministrit u konfirmua në reagimin e Lidhjes Demokratike.
Hap të rëndësishëm për liberalizimin e vizave e ka quajtur këtë pajtueshmëri, zëvendëskryeministri Enver Hoxhaj.
Ai ka thënë se raporti i “Komisionit Bulliqi” mbetet pjesë e Projektligjit, por nuk ka treguar se cilat janë ndryshimet e bëra në nenin 3.
Edhe
Haradinaj në takim me Komisionin Shtetëror për Shënimin e Kufirit me Malin e Zi
Televizioni merr vesh se i vetmi ndryshim në projektligj është ai në pikën 2 të nenit 3.
Aty është shtuar vetëm pjesa “për orientim”, e cila bën që raporti i “Komisionit Bulliqi” të shërbejë si dokument orientues për deputetët.
Enver Hoxhaj, nënkryetar i PDK-së dhe Avdullah Hoti, shef i Grupit Parlamentar të LDK-së, i kanë bërë thirrje edhe Lëvizjes Vetëvendosje, që të mërkurën të votojnë pro ratifikimit të marrëveshjes.
