Kryetari i Aleancës për Ardhmërinë e Kosovës (AAK), Ramush Haradinaj, e ka akuzuar kryeministrin Albin Kurti se “ka dalë nga kontrata politike me udhëheqësit e NATO-s”.
Ai ka shkruar në Facebook të hënën se baza ajrore e NATO-s në Kuçovë të Shqipërisë është bazë e sigurisë e rajonale, duke shtuar se “sa më afër NATO-s, jemi më të lirë”.
“Baza ajrore e NATO-s në Kuçovë të Shqipërisë, që është hapur sot, është bazë e sigurisë rajonale të Ballkanit. Sa më afër NATO-s, jemi më të lirë e më të sigurt, por anëtarësimi i plotë i Kosovës në këtë Aleancë, sigurinë do ta bënte më të plotë. E përgëzoj Shqipërinë për rreshtimin e saj të natyrshëm në këtë Aleancë, por nuk mund të mos shpreh indinjatën time të thellë për Qeverinë e Albin Kurtit, e cila po e turpëron Kosovën duke dalë nga kontrata politike me udhëheqësit e NATO-s”, ka thënë Haradinaj.
Të hënën u përurua baza ajrore e NATO-s në Kuçovë. Kryeministri i Shqipërisë, Edi Rama, ka thënë se kjo bazë është element sigurie për Ballkanin Perëndimor.
-
Kurti: Për Kosovën, NATO-ja s'është vetëm garantues i sigurisë, por orientim strategjik e destinacion
-
Kurti në takim me komandantin e NATO-s: Siguria e Kosovës nis nga kufijtë
-
Haradinaj: Duhet ta heqim mashtruesin se duam anëtarësim në NATO
-
Haradinaj kritikon Kurtin, disa ministra dhe deputetë largohen nga salla
-
Haradinaj: Më 9 shkurt e ndërrojmë Qeverinë, Kurti po pengon anëtarësimin në NATO