Kryeministri i Kosovës, Ramush Haradinaj, tha se intervenimi i forcave të NATO-s para 20 viteve ndali aksionin gjenocidal mbi popullin e Kosovës.
Në një letër dërguar Sekretarit të Përgjithshëm të NATO-s, Jens Stoltenberg, kryeministri Haradinaj tha se "populli i Kosovës do të jetë gjithmonë falënderues për kontributin e NATO-s për shpëtimin e mijëra jetëve dhe ndërtimin e paqes dhe stabilitetit në Kosovë".
“Në njëzetvjetorin e intervenimit të NATO-s në Kosovë, sot i kam dërguar letër Sekretarit të Përgjithshëm të Paktit Veriatlantik, Jens Stoltenberg. Veprimi i vendosur i NATO-s para 20 viteve ndali aksionin gjenocidal mbi popullin e Kosovës. Ky intervenim u bazua mbi vlerat e lirisë, demokracisë dhe të drejtave të njeriut. Sot Kosova është shtet, i këtyre vlerave pa dallim dhe e vendosur në rrugën e integrimit euro-atlantik. Populli i Kosovës përherë do t’i jetë mirënjohës ShBA-së dhe shteteve anëtare të NATO-s”, tha Haradinaj.
-
Kurti: Ndërhyrja e NATO-s e ndali gjenocidin serb
-
Haradinaj: Më 24 mars 1999 NATO-ja i dha fund fushatës së egër të regjimit të Millosheviqit në Kosovë
-
Haradinaj uron NATO-n, Kosova synon të jetë pjesë e saj
-
Meta: Përherë mirënjohës SHBA-së dhe NATO-s që 20 vjet më parë imponuan paqen në Kosovë
-
Haradinaj: Kosova përherë mirënjohëse për ndihmën e NATO-s