Kryeministri i Kosovës, Ramush Haradinaj, ka shfrytëzuar të drejtën e tij kushtetuese dhe ka thirrur për nesër mbledhjen e jashtëzakonshme të Kuvendit, për të miratuar Buxhetin e vitit 2018.
Lajmin për Koha.net e ka konfirmuar sekretari i Kuvendit, Ismet Krasniqi i cili ka treguar se mbledhja është thirrur për në orën 14:00.
Kryeministri krahas presidentit Hashim Thaçi dhe kërkesës së paku të 40 deputetëve ka të drejtë kushtetuese të thërras mbledhje të jashtëzakonshme të legjislativit.
Në interesimin e Koha.net se urgjenca e thirrjes së kësaj mbledhje të Kuvendit është shkuarja e kryeministrit Haradinaj në pushim dimëror, Krasniqi nuk e konfirmoi një gjë të tillë.
Kujtojmë se sot, kryesia e Kuvendit do të mblidhet në orën 17:00.
