“... për ndarje të Kosovës dhe ekzagjerimet e tema të tilla, dhe ata që flasin sot janë ata që kanë ndihmuar Sllobodan Millosheviqin, janë miq të Radojiçiqit, të cilët i kam dëbuar nga Kosova”.
Kryeministri Ramush Haradinaj ka thënë të mos i ketë përcjell deklarimet e fundit të presidentit Hashim Thaçi, si kjo e më sipërmja, por pas mbledhjes së Qeverisë i ka vazhduar akuzat ndaj tij.
Ai ka thënë se për dy orë në Zyrën e presidentit Thaçi takuan Milan Radojiçiqin, pa specifikuar se kur ndodhi ky takim, raporton KTV.
Kreu i Qeverisë ka thënë se kanë marrë vendime të guximshme, por të cilat kanë rrezikuar marrëdhëniet me ndërkombëtarët.
Haradinaj ka përsëritur qëndrimet e tij rreth taksës dhe dialogut me Serbinë.
Haradinaj, pas mbledhjes së Qeverisë, ka theksuar se Platforma për dialog do të procedohet së shpejti për votim në Kuvend.
Ai ka shtuar se për këtë, ka takuar të martën kryeparlamentarin Kadri Veseli, për të biseduar rreth mundësisë për thirrjen e një seancë të jashtëzakonshme.
Në mbledhjen e Qeverisë janë ndarë 100 mijë euro për një qendër përkujtimore që pritet të ndërtohet në Bllacë.