Kryeministri në dorëheqje, Ramush Haradinaj përmes një postimi në Facebook ka thënë se do ta fitojmë luftën kundër korrupsionit.
Ai thotë se të komprometuarit nuk kanë as vullnet e as guxim për ta luftuar korrupsionin, transmeton Koha.net.
“Do ta fitojmë luftën kundër korrupsionit. Do ta fitojmë së bashku 100%. Korrupsionin e luftojnë ata që ia kthyen dinjitetin gjyqësisë dhe prokurorisë. Ata që e kthyen besimin dhe pavarësinë e sistemit të drejtësisë. Të komprometuarit nuk kanë as vullnet e as guxim. Duhet të kemi sinqeritet në luftën kundër korrupsionit”, ka shkruar Haradinaj.
E sipas tij korrupsionin s’mund ta luftojnë as ata që gjuajnë gurë mbi Prokurorinë e Gjykatat.
“100% Kosova është Prokurorë e Gjyqtarë të guximshëm me rrogë e kushte të dinjitetshme. Korrupsionin nuk e luftojnë të komprometuarit që i kanë mbajtur prokurorët e gjyqtarët për vite të tëra të shtypur e pa dinjitet. As ata që gjuajnë gurë mbi Prokurorinë e Gjykatat. As ata që frikësohen për veten”, ka shkruar ai.
-
Haradinaj premton fuqizim të prodhimeve “Made in Kosova” e rritje 100% të pagave të prokurorëve e gjyqtarëve
-
Haradinaj për Qeverinë Kurti: Dubrava nuk ka kate të mjaftueshme për këta të korruptuar
-
Kurti: Duam gjyqësor të pavarur e profesional dhe prokurori të ndershme e aktive
-
Haradinaj: Kurti, shef i korrupsionit
-
Kurti: Sistemi gjyqësor e ai prokurorial duhet të zhvishen nga ndikimet politike