Gjilan, 18 dhjetor – Organizata për trajtimin e personave me aftësi të kufizuara Handikos në Gjilan, ka shpërndarë sot gjashtë tableta për nxënësit, duke iu ofruar mundësi komunikimi online në kohë pandemie.
Fatmir Shrudhani, menaxher i Handikos-it, ka falënderuar Komunën e Gjilanit dhe UNICEF-in për mbështetjen e madhe të ofruar.
“Sot po i shpërndajmë gjashtë tableta për fëmijët me çanta shkollore, të mbushura me material shkollorë. Në Gjilan janë përfshirë në arsim 142 fëmijë me aftësi të kufizuara, prej të cilëve fal mbështetjes së Komunës e UNICEF, janë pajisur me tableta 63 nxënës. Këto pajisje kanë krijuar një mundësi të mirë për komunikim në këtë situatë pandemie”, tha Shurdhani.
Në këtë ceremoni kanë marrë pjesë edhe nënkryetari për Komunitete i Gjilanit, Kadir Hysein, drejtori për Shëndetësi dhe Mirëqenie Sociale, Selami Xhemaili, dhe drejtoresha për Kulturë, Rini dhe Sport, Deniza Limani, të cilët janë shprehur se solidariteti me këta persona do të vazhdojë edhe në të ardhmen, për t’ua lehtësuar shkollimin.
-
Në mungesë fondesh, mbi 100 persona me aftësi të kufizuara mbesin pa shërbime
-
Shoqatat Handikos dhe ajo e të Verbërve paralajmërojnë protestë para Komunës së Gjilanit
-
150 dhurata për fëmijët me aftësi të kufizuara në Gjilan nga bashkatdhetarët në Zvicër
-
Gjilani nis shpërndarjen e librave falas për mbi 12 mijë nxënës
-
SHSKUK-ja amnistoi “Handikosin” për moszbatimin e kontratës për shpërndaje të pajisjeve