Vushtrria dhe Prishtina janë pilot komunat e para ku kryhen auditime sociale të projekteve komunale nga Grupi për Studime Juridike e Politike, përkrahur nga projekti “USAID Team”, thuhet në një raport të hulumtimit të publikuar sot nga Grupi për Studime Juridike e Politike.
Vlerësimin e të arriturave në transparencën Komunale, tashmë edhe nga OJQ-të, kryetari i Vushtrrisë, Xhafer Tahiri e ka vlerësuar shumë të rëndësishme dhe motivuese për punën e Komunës.
“Nëntë muaj hulumtime e vlerësime, ku Vushtrria konsiderohet tashmë shembull i transparencës e bashkëpunimit edhe nga Organizatat Joqeveritare dhe për këtë jam shumë i lumtur”, ka deklaruar Tahiri sot në panelin e organizuar nga Instituti dhe USAID-i ku u shpalosën të gjeturat e këtij raporti.
“Ne tashmë kemi filluar t’i zbatojmë këto rekomandime dhe qytetarët po i shohin këto ndryshime, e shembull konkret është mësimi parashkollor që tashme paguhet nga komuna e jo nga prindërit sikur që ishte deri në vitin 2018”, ka thënë ai.
Mekanizmat social të llogaridhënies janë mjete të suksesshme në rritjen e përgjegjësisë institucionale. Auditimi social me pjesëmarrjen edhe të komunitetit, është një metodë që aplikohet për qëllim të monitorimit dhe nxitjes së praktikave të qeverisjes së mirë.
-
Kosnett: Vushtrria të shërbejë si model për transparencë dhe llogaridhënie
-
Vushtrria, komuna me performancën më të mirë në prokurim publik
-
Tahiri i bën thirrje Prokurorisë Speciale të hetojë gjetjet e ZKA-së për Vushtrrinë
-
Kritikohet qeverisja e Tahirit, kandidatët për Vushtrrinë shpalosin programet
-
LDK-ja rikandidon Xhafer Tahirin për kryetar të Vushtrrisë