Komuna e Gjilanit ka njoftuar se nga kjo e mërkurë, 10 prill, do të nisë grumbullimi i borxheve përmes përmbaruesve privatë.
Lajmi u bë i ditur sot nga kryetari i kësaj komune, Lutfi Haziri, në mbledhjen e radhës së Bordit të Drejtorëve, ku është diskutuar edhe për përgatitjet për fillimin e mësimit pas pushimit një javë.
Në këtë takim është diskutuar edhe për aksionet e Drejtorisë së Inspekcionit për lirimin e hapësirave publike nga uzurpatorët, “sikurse nuk do të ketë tolerancë as ndaj atyre që tentojnë të ndërtojnë objekte pa leje ndërtimit”.
Po ashtu, në takimin e bordit është diskutuar edhe për ruajtjen dhe kujdesin ndaj pyjeve, pasi ditëve të fundit ka pasur ndezje të zjarreve, kryesisht në malet e Karadakut, ka njoftuar kjo komunë.
Përveç tjerash, Haziri ka konfirmuar se tashmë do të fillohet me ndërtimin e 20 shtëpive për njerëzit pa kulm mbi kokë.
-
Rama: Kemi nisur lirimin e banesave komunale që janë shfrytëzuar në mënyrë të paligjshme
-
Pa buxhet e me protesta – viti 2025 për Prishtinën
-
Komunat nisin vlerësimin e dëmeve nga përmbytjet
-
Komuna e Prishtinës nis pagesat e borxheve ndaj Trafikut dhe privatëve
-
Komuna e Prishtinës nis pagesat e borxheve pas alokimit të pjesshëm të mjeteve nga Ministria