Ministrja e Integrimit Evropian, Dhurata Hoxha, priti në takim Maria Flachsbarth, Sekretare e Shtetit në Ministrinë Federale për Bashkëpunim dhe Zhvillim Ekonomik, njëherësh anëtaren e Bundestagut gjerman, me të cilën diskutoi për liberalizimin e vizave si dhe procesin integrues.
Sekretarja e Shtetit, Flachsbarth vlerësoi lart përkushtimin e Kosovës në përmbushjen e kushteve për liberalizim, duke vënë në pah rëndësinë e fuqizimit të sundimit të ligjit dhe Agjendën Evropiane të Reformave.
Ajo theksoi se Gjermania ka shprehur qëndrimin e vet për zgjerimin e BE-së drejt Ballkanit perëndimor, rëndësinë e paqes në këtë pjesë të Evropës si dhe zhvillimin ekonomik, duke ofruar përkrahje të gjithanshme për proceset aktuale nëpër të cilat po kalon Kosova.
Ndërkaq, ministrja Hoxha theksoi se kushtet për liberalizimin e vizave sipas udhërrëfyesit të gjitha 95 janë përmbushur, tashmë ka filluar fushata për informimin e qytetarëve për lëvizjen e lirë, duke shpërndarë materiale edhe në gjuhët e komuniteteve në të gjitha lokalitetet e vendit.
Ministrja e falënderoi Flachsbarthin, për kontributin e Gjermanisë në zgjidhjen e sfidave të Kosovës.
Edhe
Gjermania: Për përparim në integrime evropiane, Kosovës i duhen institucione të qëndrueshme
“Kosovës i duhet përkrahja për përshpejtimin e vendimmarrjes brenda këtij viti - sepse i kemi përmbushur të gjitha 95 kriteret. Vota e Gjermanisë në Këshillin e Ministrave është me rëndësi thelbësore për këtë proces”, theksoi Hoxha, duke e njoftuar për fushatën e informimit për liberalizimin e vizave.
Qytetarët e Kosovës nuk do ta keqpërdorin këtë të drejtë, vuri në dukje Ministrja.
-
Osmani insiston për anëtarësimin e Kosovës në BE, ministri gjerman kërkon formim të Qeverisë
-
Gjermania pret qeveri të besueshme dhe stabile në Kosovë
-
Osmani i kërkon Gjermanisë mbështetje për integrimin e plotë ndërkombëtar të Kosovës
-
Haxhiu: Kosovës duhet t’i hapet rruga drejt negociatave për anëtarësim në BE