Drejtori i Institutit të Mjekësisë Ligjore, Arsim Gërxhaliu ka folur për gërmimet në varrezat e myslimanëve në veri të Mitrovicës. Ai ka thënë se në atë lokacion do të gërmojnë në pranverë, pasi që tani është e pamundur për shkak të kushteve atmosferike.
Ai në Interaktiv të KTV-së ka thënë se ka informacione se në atë pjesë ka mbetje mortore.
“Menjëherë pas luftës në këtë proces kanë qenë të inkuadruar edhe tribunalet e Hagës, pastaj UNMIK-u e më vonë edhe EULEX-i dhe është punuar me shumë duar. Në pjesën e epërme mbi rrugë janë tërhequr 25 trupa kurse në pjesën e poshtme 48. Vetëm vitin e fundit janë tërhequr 6 trupa, ne do t’i qasem punës edhe në pranverë. Bajram Çerkini nga shoqata “Zëri i Prindërve” të zhdukur ka sjellë një raport të cilin e ka siguruar në forma të ndryshme dhe ka qenë i shënjuar me centimetra vendi i personave të varrosur”, ka thënë ai.
Gërxhaliu ka thënë se shoqatat e familjarëve kanë bërë shumë, porse institucionet nuk kanë ditur t’i shfrytëzojnë të dhënat që kanë poseduar këto shoqata.
-
Nga gërmimet e sotshme në veri të Mitrovicës nuk gjenden mbetje mortore
-
Ka mundësi që në veri të Mitrovicës ende të ketë mbetje mortore të viktimave të luftës
-
Në varrezat në Mitrovicë të Veriut gjenden mbetje mortore, mund të jenë të viktimave të luftës
-
“Po na mbajnë peng edhe ne të gjallëve”, kritika Qeverisë se nuk po gërmon në një lokacion në veri
-
Gjenden mbetje mortore në veri