Ministrja e Jashtme e Kosovës, Donika Gërvalla, ka thënë se arrestimi i djeshëm në veri është bërë sipas ligjit, duke iu përgjigjur deklaratës së përfaqësuesit të Bashkimit Evropian për Politikë të Jashtme dhe Siguri, Josep Borrell, që i quajti si “arrestime të paligjshme”.
Të premten, Borrelli u shpreh “shumë i alarmuar” për “arrestimet e jashtëligjshme të serbëve të Kosovës” dhe “marshimin e FSK-së në Mitrovicën e Jugut”. Ai deklaroi se “nuk do të tolerojnë” përshkallëzim të mëtejmë të situatës.
Por Gërvalla e ka vënë në pikëpyetje nëse Borrelli po kërkon mosndëshkim për ata që sulmuan NATO-n. Ministrja e Jashtme thotë se Policia ka provat të qartë se personi i arrestuar dje ka sulmuar NATO-n më 29 maj.
“A po bën thirrje BE-ja për mosndëshkim për ata që sulmuan NATO-n? Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj. Arrestimi u bë në bazë të nenit 71 të Kodit të Procedurës Penale të Kosovës kështu që nuk ka asgjë jashtëligjshme”, ka shkruar Gërvalla në Twitter.
-
Sveçla e drejtori i Policisë i përgjigjen Borrellit: Arrestimi është bërë bazuar në ligj
-
Gërvalla për ndalimin e ish-pjesëtarit të NJSO-s: Jemi angazhuar për lirimin e tij
-
Gërvalla: Dialogu duhet të çojë në njohjen reciproke, BE-ja të bëjë veprime ndaj Serbisë
-
Gërvalla: As 5.000 trupa të NATO-s s’e ndalën Serbinë e Rusinë në Kosovë
-
Kosova i kërkon Perëndimit masa ndaj Vuçiqit: Ndaleni para se të nisë luftën