Fluks i madh në qendrën e vaksinimit “1 Tetori” në Prishtinë

Në qendrën e vaksinimit "1 Tetori" në Prishtinë, edhe të enjten është vërejtur një fluks i madh i qytetarëve për tu vaksinuar.

Disa persona të vaksinuar me dozë të parë në këtë sallë kanë deklaruar se janë imunizuar për t’u mbrojtur nga varianti Delta. Ata kanë thënë se për shkak të terminëve të zënë kanë pasur vështirësi në caktimin e tyre.

Ata gjithashtu kanë treguar se janë në pajtim me masat e reja të miratuara nga Qeveria, sidomos kufizimi i qytetarëve për të hyrë në restorante pa e pasur dëshminë e testit negativ me COVID-19 apo marrjen e së paku dozës së parë të vaksinës.