Ferizajt i kthehen 334 hektarë prona të menaxhuara nga AKP-ja

Ferizaj, 14 gusht- Komuna e Ferizajt, përkatësisht kryetari i Komunës Agim Aliu, të hënën ka pranuar vendimin e kryeministrit Ramush Haradinaj që Komunës t’i kthehen pronat e menaxhuara deri tashti nga Agjencia Kosovare e Privatizimit në pronësi komunale në një sipërfaqe të përgjithshme prej 334 hektarësh e 41 arë e 46m2.

Ky vendim vjen pas kërkesës së parashtruar nga numri një i Ferizajt, Agim Aliu, që Ferizajt t’i kthehen pronat e menaxhuara deri tashti nga AKP-ja në prona komunale, me qëllim të nxitjes së zhvillimit ekonomik lokal dhe aplikimit të projekteve të ndryshme zhvillimore për Ferizajn, gjithmonë në interesin publik (gjerësisht, sot në “Kohën Ditore”).