Erërat e forta, sa dihet për rrezikun nga to

Njohësi i çështjeve të emergjencave dhe bashkëthemeluesi i Qendrës Kërkimore për Politika të Sigurisë (SPRC), Tahir Ahmeti, përmes një postimi në Facebook ka apeluar tek organet përkatëse komunale që qytetarët të njihen me pasojat nga erërat e forta, transmeton Koha.net.

Ai ka thënë se erërat e forta që kanë filluar sot dhe parashihen të vazhdojnë edhe ditët në vijim në vendin tonë, hyjnë në kategorinë e fatkeqësive natyrore, dhe si të tilla mundë të jenë mjaft të rrezikshme dhe të shkaktojnë dëme të shumta e të gjithanshme.

Për këtë arsye, ka përfunduar ai, organet përgjegjëse, drejtoritë komunale për Emergjenca dhe Agjencia për Menaxhimin e Emergjencave, duhet që me kohë të njoftojnë qytetarët për kujdes të shtuar gjatë këtyre fenomeneve natyrore.