Ekipi menaxhues për themelimin e Asociacionit të komunave serbe, si pjesë e procesit të hartimit të projekt-Statutit të Asociacionit, sot kanë biseduar me kryetarët e komunave me shumicë serbe.
Në takim, është bërë fjalë për strukturën e ardhshme organizative të Asociacionit të komunave serbe, të cilat do të rregullohen në bazë të Parimeve të përgjithshme të miratuara në Bruksel.
Sipas këtij dokumenti, Asociacioni i komunave serbe do të ketë këto organe: kuvendin, kryetarin, këshillin, bordin, administratën dhe zyrën për ankesa, raporton televizioni publik i Kosovës.
Bashkëbiseduesit kanë theksuar se është thelbësore që kompetencat e Asociacionit të komunave serbe të mbeten ashtu siç janë përcaktuar në Marrëveshjen e parë të Brukselit.
U konstatua se AKS duhet që, përmes trajtimit të çështjeve me interes të përbashkët të komunave anëtare, si dhe përfaqësimin e tyre, kontribuojë në forcimin e demokracisë lokale dhe mbrojtjen e interesave të popullit serb.
Ekipi menaxhues i informoi kryetarët e komunave me aktivitetet e mëparshme dhe planet e ardhshme dhe falënderoi për ndihmën logjistike dhe profesionale që autoritetet lokale i dhanë në punën deri tani.
-
Shkarkohen anëtarët e Ekipit menaxhues për Asociacionin
-
Analistët besojnë se drafti i statutit të Asociacionit nuk i ka përfillur vërejtjet kushtetuese
-
Drafti i jep Asociacionit kompetenca ekzekutive
-
Nëse statuti i AKS-së anashkalon vendimet e Kushtetueses, sërish do të dërgohet në këtë gjykatë
-
AKS dëshiron të ketë kompetenca shtesë në zhvillimin ekonomik në veri