Edhe tri ditë afat për konkurrim “Shpërblimet për Gazetarinë Antikorrupsion 2017”

Kanë mbetur edhe tre ditë për të aplikuar për Shpërblimet për Gazetarinë Antikorrupsion 2017, rikujton Acociacioni i Gazetarëve të Kosovës kolegët përmes një njoftimi të përsëritur për këtë mundësi.

Meqë po i afrohemi Ditës Ndërkombëtare Antikorrupsion, Asociacioni i Gazetarëve të Kosovës (AGK), në bashkëpunim me Kaptinën e Kosovës në kuadër të Organizatës së Parlamentarëve Globalë Kundër Korrupsionit (GOPAC), si dhe me Misionin e OSBE-së në Kosovës, të mbështetur nga Programi i Kombeve të Bashkuara për Zhvillim (UNDP), dhe Organizata për Siguri dhe Bashkëpunim në Evropë, (OSBE), ka shpallur konkursin për Shpërblimet në Gazetarinë Antikorrupsion 2017.

Kjo nismë, e mundësuar falë mbështetje së Zyrës Zvicerane për Bashkëpunim dhe Koordinim (SDC) në Kosovë dhe Ministrisë së Punëve të Jashtme të Danimakrës (DANIDA), është një mundësi e mirë që publikisht të vlerësojmë kontributin e gazetarëve të guximshëm që përmes storjeve të tyre po vetëdijesojnë publikun për rreziqet e korrupsionit si dhe po shpalosin rastet që përndryshe nuk do të mund t’i shihnim.

I inkurajojmë të gjithë gazetarët që të aplikojnë me storjet që trajtojnë korrupsionin, qoftë storje të botuara, të transmetuara në radio apo televizion, në mediat e Kosovës gjatë periudhës prej 25 nëntorit 2016 deri më 25 tetor 2017.

Shkarkoni dokumentin me detaje: https://goo.gl/7JM9iA