Edhe në Tiranë protestohet kundër dhunimit të grave

Pak orë pasi qendra e Prishtinës u mbush me protestues kundër dhunimit të grave, pas publikimit të rastit të dhunimit të një 11-vjeçareje në kryeqytet nga pesë persona, protestë është organizuar edhe në Tiranë.

Qytetarët kanë protestuar të mërkurën në mbrëmje kundër mosndëshkimit të dhunuesve e dështimit të autoriteteve në parandalim.

Protesta në Kosovë dhe Shqipëri ka ardhur pas dhunimit të një 11-vjeçareje nga pesë persona në Prishtinë javën e shkuar. “Mbrojtje për vajzat dhe gratë”, “Shteti fajtor”, “Eduko djalin” dhe “Gra armatosuni”, ishin disa nga thirrjet e protestuesve në protestën e së mërkurës në Kosovë.

Lidhur me rastin janë arrestuar pesë persona. Në mesin e të arrestuarve janë tre të mitur.

{gallery}