Të mërkurën duke nisur nga ora 12:00, në Prishtinë do të protestohet kundër rasteve të dhunimit të grave dhe vajzave në vendin tonë.
Mobilizimi për këtë protestë vjen pas rastit të një 11-vjeçare, e cila dyshohet se u dhunua nga pesë persona të shtunën në kryeqytet.
Kolektivi për Mendim dhe Veprim Feminist do të protestojë me kërkesat për mbrojtje dhe siguri nga shteti për vajzat dhe gratë me qëllim që të kërkohet drejtësi në mënyrë që dhunuesit ta marrin ndëshkimin e merituar.
Protesta do të mbahet në sheshin “Zahir Pajaziti”.
Ndërsa, të martën, është mbajtur edhe një tjetër protestë, po me qëllimin e njëjtë.
Dje dha dorëheqje drejtori i Policisë së Kosovës, Samedin Mehmeti, shkaku i këtij rasti.
