Dy persona kanë vdekur në Kosovë gjatë 24 orëve të fundit, ndërsa janë shënuar 23 raste të reja pozitive nga testimi i 2967 mostrave.
Sipas të dhënave të Ministrisë së Shëndetësisë në 24 orët e fundit janë shëruar 114 qytetarë.
Një rast i vdekjes është regjistruar në Lipjan, një grua e moshës mbi 80-vjeçare, dhe një në Gjilan, një burrë i moshës 70-79 vjet.
Në total në Kosovë janë regjistruar 160.193 raste pozitive me koronavirus, prej tyre 2961 kanë përfunduar me fatalitet. Janë shëruar 154.995 qytetarë, janë 2237 raste aktive.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se në 24 orët e fundit janë dhënë 16.942 doza të vaksinës kundër COVID-19.
Edhe
Dy të vdekur e 1.603 raste me COVID-19 të enjten në Kosovë
Sipas njoftimit, prej fillimit të vaksinimit në të gjitha qytetet e Kosovës janë dhënë 1.375.295 doza të vaksinës.
