Nga 7 qershori ka filluar plani i veprimit për sigurinë në shkolla, ka thënë të martën drejtoresha e Arsimit në Komunën e Prishtinës, Besianë Musmurati.
“U bëmë bashkë me drejtorë të shkollave, Policinë e Kosovës, OSBE-në, Departamentin e Psikologjisë dhe Departamentin e Edukimit në UP, Ministrinë e Arsimit, UNICEF, Këshillin Rinor, Këshillin e Prindërve, KEC, Save the Children dhe psikologë shkollor që të hartojmë një plan që ka për qëllim të rritë sigurinë në shkollat e Prishtinës”, ka shkruar Musmurati në Facebook.
Ajo ka njoftuar se Komuna e Prishtinës është zotuar për të bashkëpunuar pa ankesa për të kaluarën në mënyrë që të merren hapa konkretë për të ndikuar në rritjen e mirëqenies së nxënësve në shkolla.
Me këtë plan veprimi, sipas saj, do të trajtohet siguria fizike, bullizmi, ngacmimet dhe mirëqenia e nxënësve në kushtet pas pandemisë.
-
Musmurati zoton 1.5 milionë euro në vit për siguri në shkollat e Prishtinës
-
Musmurati: Nga sot shkollat e Prishtinës nisin fushatën “Çohu kundër dhunës”
-
Përmes kamerave, Komuna e Prishtinës synon të rrisë sigurinë në shkolla
-
Nis vendosja e kamerave të sigurisë në shkollat e Prishtinës
-
Ekspertët i vlerësojnë të pamjaftueshëm “oficerët e sigurisë” në shkolla