Disa serbë protestojnë para Zyrës së Kosovës në Beograd, kërkojnë anulim të marrëveshjeve

Disa qytetarët serbë kanë protestuar të martën para Zyrës Ndërlidhëse të Kosovës në Beograd, e cila është e vendosur në një ndërtesë me Zyrën e BE-së. 

Ata kanë kërkuar anulimin e të gjitha marrëveshjeve me Kosovën. 

Media serbe Danas ka shkruar se protesta është organizuar nga “Tubimi serb”, një organizatë pak e njohur për publikun, me rastin e 18-vjetorit të shpalljes së Pavarësisë së Kosovës. 

Tutje Danas ka shkruar se organizatorët e protestës kanë thënë se “herët a vonë, me dëshirë apo me forcë, Kosovës do të rikthehet në rendin kushtetues-juridik të Serbisë”.

Në tubim u tha se protesta ishte organizuar para selisë së BE-së sepse në atë ndërtesë po bëhen “marrëveshjet e fundit me regjimin tradhtar në Beograd”, siç thuhet për të përfunduar ndarjen e Kosovës nga Serbia.

Në një kanal në YouTube ku protesta është transmetuar Live, është shkruar se “në Kosovë po përgatitet me shpejtësi mbyllja e institucioneve të mbetura të shtetit të Serbisë”. A ty thuhet se kjo po mbështetet edhe nga BE-ja e e edhe nga Beogradi zyrtar. 

Edhe Rajon 1 pri 2026 Protestojnë studentët në Beograd, përplasen me policinë

Një tjetër protestë është paralajmëruar para Qeverisë së Serbisë

Për protestën KOHA ka kërkuar një përgjigje nga Jetish Jashari i Zyrës Ndërlidhëse të Kosovës në Serbi, por ai ka thënë se duhet të kontaktohet Ministria e Punëve të Jashtme e Kosovës. 

KOHA ka dërguar pyetje edhe në Ministri dhe posa të marrë përgjigje, teksti do të përditësohet.