-
Nga:
Augustin Palokaj
- 10 maj 2021 20:43
- Shpërndaje në:
Në Bruksel është mbajtur takimi i ministrave të jashtëm të vendeve anëtare. Ballkani Perëndimor ishte temë, ndërsa shefat e diplomacive të vendeve të BE-së u dakorduan për një angazhim më aktiv në rajon.
Derisa nuk kishte konkluzione formale pas takimit, ministrat kryesisht u shprehën në vijën e pozicioneve të shtjelluara në një “non-paper”, të cilin e publikoi mbrëmë KOHA.
Aty kërkohet një angazhim shtesë për arritjen e marrëveshjes mes Kosovës dhe Serbisë, ndërsa kërkohet urgjencë edhe në heqjen e vizave për shtetasit kosovarë.
Ndërkohë, shefi i politikës së jashtme të BE-së, Josep Borrell, ka paralajmëruar se dialogu Kosovë-Serbi do të vazhdojë më 22 qershor.
