Dështon të funksionalizohet projekti milionësh për regjistrimin e pasurisë publike

Platforma për regjistrimin e pasurisë publike, “e-Pasuria”, ka dështuar të funksionalizohet plotësisht nga Ministria e Administratës Publike, e cila është përgjegjëse për menaxhimin e saj, shkruan sot “Koha Ditore”.

Raporti i Zyrës Kombëtare të Auditimit nxjerr se projekti që i kushtoi buxhetit të shtetit mbi 1 milion euro, ka defekte në brendësi të tij dhe nuk është duke u shfrytëzuar plotësisht nga organizatat buxhetore, ani pse këto të fundit janë të obliguara të përdorin aplikacionin për regjistrimin e pasurisë në mënyrë të plotë dhe me të dhëna të sakta.

“Ministria e Administratës Publike, përkatësisht Agjencia e Shoqërisë së Informacionit nuk ka siguruar funksionalitet të duhur për operim të mirëfilltë të aplikacionit “e-Pasuria”. Edhe pse janë investuar rreth një milion euro nga Qeveria për zhvillim dhe mirëmbajtjen e aplikacionit, qëllimi kryesor për krijimin e një baze qendrore të unifikuar për menaxhimin efektiv të pasurisë publike nuk është arritur”, thekson raporti i ZKA-së... (më gjerësisht lexoni sot në “Koha Ditore”)