Edhe pse vazhdon të mos dihet ende qëndrimi i Lëvizjes Vetëvendosje për shfuqizimin e Ligjit për Gjykatën Speciale, deputetja Albulena Haxhiu ka thënë për Koha.net se janë duke diskutuar pasi, siç tha ajo, këto janë zhvillime interesante.
Ndërkohë, shefi i Grupit Parlamentar të Vetëvendosjes Glauk Konjufca dhe deputetja Aida Dërguti, janë parë në zyrat e LDK-së.
Konjufca për KTV-në ka thënë se aty ka shkuar për të parë edhe qëndrimin e LDK-së për atë që pritet të ndodhë.
Në këtë takim është i pranishëm edhe ambasadori britanik, Ruairi O’Connell.
Kujtojmë se kryesia e Kuvendit pritet të mblidhet sërish në orën 21:00.
