Deputetja e Partisë Demokratike të Kosovës, Blerta Deliu Kodra, e ka cilësuar si fitore përsëritjen e konkursit për zgjedhjen e anëtarëve të Komisionit të Pavarur të Mediave, pasi nuk u votua të hënën në Kuvend.
Deliu-Kodra shkroi në Facebook se nga fillimi PDK-ja ka shprehur rezervë ndaj një procesi te mbyllur, pa përfshirjen e shoqërisë civile dhe pa media.
“Rihapja e konkursit dhe rikthimi në pikën zero i konkursit për Komisionin e Pavarur të Medias inkurajon të gjithë për një proces fer e demokratik”, shkroi ajo.
Deputetët e pozitës që ishin të pranishëm në sallë shumica e tyre e kanë prishur fletëvotimin duke e bërë atë të pavlefshëm në votimin për zgjedhjen e tre anëtarëve të KPM-së.
Nga 63 deputetë sa votuan, 56 fletëvotime kanë qenë të pavlefshme.
Në bazë të kësaj, asnjëri nga gjashtë kandidatët nuk ka marrë votat e mjaftueshme dhe duhet të përsëritet konkursi.
Edhe
Kuvendi zgjedh anëtarët e KPM-së
Kujtojmë se për këtë proces ka pasur reagime të shoqërisë civile, pasi ka thënë se nuk është ftuar për monitorim të procesit dhe ka akuzuar Komisionin se po i mban top sekret kandidatët.
