Ilir Deda, deputet i Alternativës, e ka quajtur diletantizëm të dorës së parë arrestimin dhe lirimin e menjëhershëm të pesë serbëve të dyshuar për “kërcënim të sigurisë nacionale”.
Sipas, Dedës, arrestimi në Gjilan dhe lirimi i menjëhershëm i tyre ka qenë show i institucioneve.
“Kur një shtet dyshon dhe arreston individë për ‘kërcënim të sigurisë nacionale’ - ja i arreston me të vërtetë sepse po e rrezikojnë atë siguri, apo nëse nuk e rrezikojnë - nuk bën show fare me arrestime. Arrestimi me pompozitet dhe lirimi i menjëhershëm i ‘kërcënuesve të sigurisë nacionale’ është diletantizëm i dorës së parë”, ka shkruar Deda në Facebook.
Në fund Deda ka thënë se edhe korrupsioni dhe krimi i organizuar i lidhur me partitë politike përbën “kërcënim të sigurisë nacionale”.
-
Krejt çfarë ndodhi sot me arrestimin dhe lirimin pesë serbëve
-
Lirohen pesë serbët e arrestuar sot
-
Lista Serbe akuzon për presion politik pas arrestimit të pesë personave në rastin “Reçaku II”
-
Masë paraburgimi serbëve të dyshuar për kërcënim të votuesve në Graçanicë
-
Kosova merr masa pas trysnisë së Beogradit në votuesit serbë