Ministri i Arsimit, Shkencës dhe Teknologjisë në Kosovë, Shyqiri Bytyçi, ka njoftuar se sot ka marrë pjesë në panelin e diskutimit me temën “Sfidat në Arsimin e Lartë në Kosovë dhe Shqipëri” në kuadër të punëtorisë “Mbulimi mediatik i Arsimit të Lartë në Kosovë: Sfidat dhe mësimet”.
“Bashkë me ministren e Arsimit, Sportit dhe Rinisë së Shqipërisë, znj. Lindita Nikolla, akademikun dhe profesorin e nderuar, z. Artan Fuga, profesor Popovcin, ekspertë e profesorë tjerë dhe përfaqësues të mediave dhe shoqërisë civile që mbulojnë fushën e arsimit diskutuam për problemet aktuale dhe për sfidat që kemi në funksion të përmirësimit të gjendjes në Arsimin e Lartë në të dy vendet tona”, ka thënë ai.
Gjatë këtij paneli, në mesin e temave ai tha se ka folur edhe për zgjedhjen e anëtarëve të Këshillit Shtetëror të Cilësisë së AKA-së, që si proces tashmë është kthyer në një shembull që duhet ndjekur brenda dhe jashtë vendit.
”Ky proces tejet transparent i ka hapë një perspektivë AKA-së që të bëj një kontrollë sa më të mirë dhe të pavarur cilësisë në arsimin e lartë në Kosovë. Gjithsesi, duhet një bashkëpunim me gjithë akterët e mundshëm në mënyrë që gjendja në arsimin e lartë te përmirësohet”, ka thënë ministri.
-
Kosova dhe Shqipëria drejt unifikimit të sistemit arsimor
-
Bytyqi: Brenda 5 viteve të ardhme s’do të diskutojmë për nivel të ulët të cilësisë në arsim
-
Bytyqi kërkon nga anëtarët e rinj të KSHC-së të jenë kredibilë në vendimmarrje
-
Kosova dhe Shqipëria për integrimin e përbashkët të arsimit në BE
-
Kosova e Shqipëria duan të thellojnë bashkëpunimin në arsim