Këto janë pamje që nuk janë parë më herët nga banorët e qendrës së Prishtinës. Por dallëndyshet nuk janë krejt të pazakonta për Kosovën. Mirëpo praninë e tyre e ka parë kaherë fotografi Lulzim Demaj në Hajvali, ku ai jeton, e dhe i ka fotografuar.
Në këtë kohë të vitit, sipas Demajt, ndërtohen edhe foletë e tyre, gjë që e sheh si veçanti të tyre.
Fotografitë interesante mund të nxirren edhe në muajt e ardhshëm.
Ndërkohë, Shehide Gashi, studiuese e neurobiologjisë në Kontanc të Gjermanisë dhe pjesë e OJQ “KEERC”, që ka hulumtuar zogjtë, thotë se ulja e aktivitetit njerëzor i ka shtyrë dallëndyshet në qytete.
Rrugët e migrimit të dallëndysheve, sipas saj, nuk kanë ndryshuar.
Gashi shton se ato vijnë nga ishulli francez i Korsikës ose nga Italia për në Kosovë.
E gjurmimi i shtegtimit të dallëndysheve është më ndryshe se i shpendëve të mëdha, dhe hulumtuesit përdorin unaza me numra identifikues për to.
