Certifikohen snajperistët e FSK-së dhe Policisë së Kosovës

Pjesëtarët e Forcës së Sigurisë së Kosovës dhe Policisë së Kosovës janë certifikuar pas përfundimit të trajnimit për snajperë.

Komandanti i FSK-së, gjenerallejtënant Rrahman Rama dhe drejtori i Policisë së Kosovës, Samedin Mehmeti, ndanë certifikatat për personelin e trajnuar.

Rama dhe Mehmeti vlerësuan lartë angazhimin e përbashkët në mes dy institucioneve dhe u zotuan për bashkëpunim dhe koordinim edhe në të ardhmen në fushat e interesit të përbashkët, ka njoftuar Ministria e Mbrojtjes.

“Ngritja e kapaciteteve profesionale dhe taktike është prioritet i FSK-së. Nga sot FSK-së i shtohen kuadro specialistike, mirë të përgatitura nga instruktorë të Policisë së Kosovës edhe në këtë fushë shumë të rëndësishme operacionale”, thuhet në komunikatë.

{gallery}