Avokati Asden Bytyqi ka thënë se vendimi i sotëm i Dhomave të Specializuara të Kosovës ndaj ish-presidentit Hashim Thaçi në rastin kundër tij për pengimin e drejtësisë, nuk është politikisht i motivuar.
Bytyqi në “Konfront” të KTV-së ka thënë se nëse do të ishte politikisht i motivuar atëherë do të ishin duke u gjykuar mbi të njëjtat akuza edhe ish-krerët tjerë të Ushtrisë Çlirimtare të Kosovës, Kadri Veseli, Jakup Krasniqi e Rexhep Selimi.
Bytyqi ka thënë se derisa në vendimin e shtatorit në rastin e madh ndaj ish-krerëve të UÇK-së është thënë se është politikisht i motivuar, nuk mund të thuhet e njëjta gjë edhe ndaj vendimit të së hënës.
“Ky vendim mund të jetë juridikisht i ligjshëm apo paligjshëm, i qëndrueshëm apo paqëndrueshëm, varësisht nëse e vërteton Apeli. Por, nuk mendoj se është politikisht i motivuar. Po të ishte politikisht i motivuar, duhej të njëjtën prizëm të paraleles të akuzoheshin edhe krerët e tjerë, e që sot s’ishin pjesë e këtyre akuzave, tre të tjerët që u dënuan në procesin e parë”, tha Bytyqi.
Ish-presidenti i Kosovës, Hashim Thaçi, ish-shefi i AKI-së, Bashkim Smakaj, ish-ministri i Drejtësisë, Hajredin Kuçi dhe Fadil Fazliu, janë dënuar më 41 muaj burgim efektiv dhe një muaj burgim me kusht nga Dhomat e Specializuara të Kosovës në Hagë në rastin kundër administrimit të drejtësisë. Me vendimin e shpallur nga gjyqtari Kristofer Gosnell, Thaçi është dënuar me 17 muaj burgim, Smakaj e Fazliu me nga 12 muaj burgim, Kuçi me një muaj burgim me kusht. Ndërsa ish-kryetari i Malishevës, Isni Kilaj është shpallur i pafajshëm.
Drejtësi apo politikë dënimi ndaj Thaçit dhe të tjerëve? | KONFRONT
-
Alijaj për Specialen: Strukturë politike, qëllim ka barazimin e një të kaluare që s’mund të ndryshohet
-
Thaçi dënohet edhe në rastin e tij të dytë në Speciale
-
OVL-UÇK: Dënimi i Thaçit i papranueshëm për ne, institucionet të mos rrinë duarkryq
-
Thaçi dënohet me 17 muaj burgim në rastin kundër administrimit të drejtësisë
-
41 muaj burgim efektiv për Thaçin e të tjerët në rastin kundër administrimit të drejtësisë