Ambasadori i Mbretërisë së Bashkuar në Kosovë, Jonathan Hargreaves, e ka mirëpritur certifikimin e Listës Serbe nga Komisioni Qendror i Zgjedhjeve për zgjedhjet e 9 shkurtit.
Nëpërmjet një postimi në platformën “X”, Hargreaves ka thënë se institucionet demokratike të Kosovës kanë dëshmuar se janë të gatshme ta sigurojnë zbatimin e sundimit të ligjit.
“E mirëpres certifikimin nga Komisioni Qendror i Zgjedhjeve të Listës Serbe për të marrë pjesë në zgjedhjet e ardhshme. Institucionet demokratike të Kosovës kanë treguar se janë në gjendje të sigurojnë se sundimi i ligjit zbatohet dhe nuk mund të minohet nga përshtatshmëritë politike”, ka thënë ai.
Komisioni Qendror i Zgjedhjeve në Kosovë (KQZ) ka thënë të martën se vendimi i Panelit Zgjedhor për Ankesa dhe Parashtresa (PZAP) për certifikim të Listës Serbe - partisë më të madhe të serbëve në Kosovë - për zgjedhjet e 9 shkurtit, është i plotfuqishëm dhe duhet zbatuar.
Vendimin e KQZ-së e ka mirëpritur edhe Ambasada e SHBA-së në Kosovë.
SHBA-ja e kënaqur pas certifikimit të Listës Serbe: Procesi zgjedhor të mbetet pa ndërhyrje politike
Ambasada e SHBA-së në Kosovë është shprehur e kënaqur pas vendimit të Komisionit Qendror të Zgjedhjeve...-
Hargreaves: KQZ-ja t’i ndjekë procedurat e duhura ligjore dhe jo interesat politike
-
Ambasadori britanik: Moscertifikimi i Listës Serbe kërcënon reputacionin e Kosovës
-
SHBA-ja e kënaqur pas certifikimit të Listës Serbe: Procesi zgjedhor të mbetet pa ndërhyrje politike
-
Hargreaves: Çështjet me të cilat përballet Kosova dhe kontinenti s’presin, partitë të bashkohen
-
Hargreaves: Partitë të bashkëpunojnë për formimin e institucioneve