Emisari i Britanisë së Madhe për Ballkanin Perëndimor, Sir Stuart Peach, të martën ka zhvilluar bisedë telefonike me kryeministrin e Kosovës, Albin Kurti dhe presidentin e Serbisë, Aleksadar Vuçiq.
Siç ka njoftuar Ambasada e Britanisë në Kosovë, Peach, u ka bërë të qartë të dy krerëve se duhet që në Bruksel të vënë në rend të parë qytetarët e tyre.
“Përfaqësuesi Special i Britanisë së Madhe për Ballkanin Perëndimor, Sir Stuart Peach, ka folur dje me kryeministrin e Kosovës dhe presidentin e Serbisë, duke cekur shqetësimin e Britanisë për rritjen e tensioneve dhe gjuhën e përdorur në ditët e fundit. Liderët tash kanë mundësi dhe përgjegjësi në bisedimet në Bruksel të vënë qytetarët e tyre në rend të parë, të ndërtojnë më tepër në përparimet e bëra në dialog deri më tash dhe të bëjnë hapa më të mëdhenj drejt normalizmit të marrëdhënieve”, ka shkruar Ambasada e Britanisë në Twitter.
UK Western Balkans Special Envoy, Sir Stuart Peach, spoke yesterday to the Kosovo Prime Minister and Serbian President, underlining UK concern at the rise in tensions and heated language of recent days. 1/2
— UK in Kosovo ?? (@UKinKosovo) August 17, 2022