Ministri në detyrë i Arsimit, Shkencës dhe Teknologjisë, Shyqiri Bytyqi, ka pritur sot ambasadorin e Britanisë së Madhe në Kosovë, Nicholas Abbott, me të cilin ka biseduar për gjendjen e arsimit në Kosovë dhe bashkëpunimin mes dy vendeve në të gjitha nivelet e arsimit.
“Ministri Bytyqi ka falënderuar ambasadorin Abbott për ndihmën e vazhdueshme që ka dhënë Britania e Madhe për Kosovën, veçanërisht në fushën e arsimit, ku me projekte të mëdha i ka dhënë ndihmë të madhe sistemit arsimor.
Ndërsa, ambasadori Abbott theksoi se për Britaninë e Madhe arsimi është prioritet, pra edhe bashkëpunimi në këtë sektor është shumë i rëndësishëm, sidomos kur merret parasysh fakti se Britania e Madhe ka sistem të zhvilluar të arsimit dhe ka mundësi të japë kontribut për zhvillimin e arsimit në Kosovë”, thuhet në njoftimin për media.
-
Konjufca takon Abbottin, Britania e gatshme të vazhdojë mbështetjen për Kosovën
-
Abbott: Kosova është vend i veçantë që e meriton të jetë i suksesshëm
-
Bislimi i thotë Abbottit se Kosova është konstruktive në dialog
-
Abbott: Javë e rëndësishme për Kosovën
-
Osmani u takua me ambasadorin britanik, diskutuan edhe për dialogun Kosovë – Serbi